ابني عنده ٩ سنوات لا يحب العربي ابدا بيحب الانجليش اكثر من العربي وكان دائما عصبي بسبب عدم قدرته على التعبير السليم بالعربي بعد السيشن مع نهى الحال اتبدل بقى افضل والفضل للطريقة النورانية الي بتستخدمها نهى انا نفسي بستفيد منها. هتلاحظي الفرق بعد ٤ سيشن فرق كبير يديكي أمل وتفاؤل ان ابنك هيتقدم بسرعة وأصحابه هيفهموه وأى حد هيتعمل معاه هيلاحظ التقدم ده.    بالاضافة للتدريب على الكلام هتكسب لايف كوتش لابنك على المستوى الشخصى رائع وملتزم ومتقن لعمله لانه بيعملوا بحب وصبر…انا نفسي بحب احضر السيشن وبتعلم منه كتيير.   شكرا نهى رجعتيلي الامل بعد لف كتير على كورسات تخاطب مملة بدون فائدة ربنا يكرمك ويجعل مجهودك الدؤوب في ميزان حسناتك.

مهمًا أشكرك يا نهي مش هيكفيكي طبعا حقك لانك فعلا انسانة جميلة مجتهدة و تحسي أم بتتعامل مع أطفالها مش دكتورة خالص ولا مدرسة ،عندك صبر رهيب مع الاطفال وقبول بصراحة من عند ربنا يخلي الاطفال تحبك علي طول .. قد ايه فرقتي مع اولادي في فترة قصيرة وطبعا دة كان بسبب الكورونا وللاسف اثرت علي مهارات كتيرة نظرا لقلة الخروج وال activities .. بتمني ليكي كل التوفيق والنجاح بجد لإنك تستاهلي كل خير.. و هفضل فاكرة نصايحك علي طول اللي بجد بحاول اعملها كلها وفعلا فرقت مع ولادي

فترة الكورونا كانت فترة صعبة جدا اضطرتني اني منزلنش ابني يامن حضانة لفترة كبيرة وللاسف ده اثر علي تطوره في الكلام الا اني ما لحظتش ده غير لما جيت اقدم له في المدرسة ولقيتهم بيقولوا بعد الinterview ان ابني محتاج جلسات تخاطب” وفي الوقت الي كانت ظروفي فيه صعبه اني انزل بيامن لاني أم ل٣ اطفال اصغرهم يامن لقيت نهي زهران بتتكلم ان احنا ممكن نعمل جزء من الجلسات اون لاين وده بصراحة كان حل هايل من ناحية الوقت والمجهود، إلا أني مكنتش متاكدة من النتايج-بس الحمد لله النتيجة كانت عكس توقعاتي وفي اقل من ٦ شهور يامن بقي يكون جمل مفهومة ومخارج الفاظه اتحسنت كتير والحمد لله اتقبل في المدرسة الي كان نفسي ادخلها له.